Press Release No. 53 / March 14, 2022

GIBUBO sa Provincial Government of Bukidnon (PGB) ang kantidad 16.5 milyones ka pesos alang sa pagatukuron nga 50 housing units sa Malitbog Paglaum Village, diin usa ka Groundbreaking Ceremony and blessing ang gipahigayon niadtong Marso 11, 2022 diha sa Barangay Sta. Ines, Malitbog, Bukidnon.

Gibutyag ni Municipal Mayor Osmundo dela Rosa nga dugay na kining gihandum sa ilang lungsod apan tungod kay wala pa’y luna nga pwedeng matukuran sa maong proyekto kaniadto, hinungdan nga karon pa kining tuiga nahatagan sa katumanan. Wala usab gikalimtan ni Mayor dela Rosa ang dakong tabang ni Governor Jose Ma. R. Zubiri, Jr. kinsa mao gayud ang nag-aghat kaniya nga mangita na ug luna aron matukoran na kini sa mas labing dali nga panahon.

Pinaagi sa usa ka Memorandum of Agreement tali sa PGB ug sa lungsod sa Malitbog, pagatukuron ang maong proyekto alang niadtong mga pamilyang homeless/landless, nagpuyo sa accident prone-areas ug mga pamilyang mas labing nanginahanglan.

Ang maong luna adunay kinatibuk-ang sukod nga 10,224 sq. meter nga gi-donate sa LGU-Malitbog. Aduna kini average lot size nga 100 sq. meter ug average floor area nga 30 sq. meter, samtang ang housing cost per unit mokantidad ngadto sa ₱330,000.00.

Ang maong luna adunay kinatibuk-ang sukod nga 10,224 sq. meter nga gi-donate sa LGU-Malitbog. Aduna kini average lot size nga 100 sq. meter ug average floor area nga 30 sq. meter, samtang ang housing cost per unit mokantidad ngadto sa ₱330,000.00.

###