Press Release No. 62 / March 24, 2022

“It was Governor Zubiri’s vision nga makahimo gyud ug mga dagko nga mga buldings susama niini, it’s because mao kini iyang panglantaw dinhi sa ato sa Bukidnon so pasalamat kami sa iyahang mga wisdom ilabi na gyud dinhi sa 3rd district sa Bukidnon. Kami sa lungsod sa Don Carlos, it is with great pride and honor for the Municipality of Don Carlos to have received this prestigious building nga atong ginganlan nga the Hall of Justice in the southern part of Bukidnon, so salamat gyud kaayo Governor…”

Kini ang nahimong pamahayag sa Municipal Mayor Ma. Victoria O. Pizarro sa lokal nga kagamhanan sa lungsod sa Don Carlos sa iyang pakigpolong sa gipahigayon nga Turnover Ceremony and Inauguration of Hall of Justice niadtong Marso 22, 2022 nga gipunduhan sa probinsya sa kantidad 20-milyones ka pesos.

Dugang pamahayag ni Mayor Pizarro nga dako kaayo kini ug tabang sa katawhan sa Bukidnon, ilabi na sa 3rd district.

Sa iyang acceptance message, gipahayag ni 5th Municipal Circuit Trial Court (MCTC) Acting Presiding Judge Emerita M. Panganiban-Gamboa nga isip usa ka hurado sulod sa kinse ka tuig nga pagpangutangdanan sa lain-laing korte sa probinsya iyang nakita ang suporta sa liderato sa Kagamhanang Probinsyal sa sangang buhatan sa gobyerno ilabi na sa hudikatura sulod sa pipila ka katuigan.

Gipanghinaot ni Governor Zubiri nga ang maong gambalay makahatag ug mas komportable nga palibot aron mas madasig ang mga empleyado dinhi sa ilang pagserbisyo sa katawhan.

Mitambong usab si 3rd District Congressman Manuel F. Zubiri, 3rd District Board Members Minerva O. Casinabe, Joseph D. Palmada, Benito U. Baguio, ingon man ni Atty. Mara Genina C. Unabia gikan sa Provincial Legal Office, mga miyembro sa konseho pinangulohan ni Municipal Vice Mayor Rex T. Mercadera, pipila ka mga private practicing lawyers gikan sa 3rd district, mga abogado gikan sa Provincial Prosecutors Office ug Public Attorneys Office (PAO), ingon man usab ang mga personahi gikan sa Parole & Probation Office, PNP- Don Carlos, BJMP Kibawe District ug PDRC- Malaybalay City.

###