Press Release No. 66/ March 28, 2022

PADAYON karon nga nagsuroy sa mga lungsod ug syudad ang miyembro sa Provincial Bantay Asin Task Force (PBATF) alang sa unang hugna sa salt monitoring ngadto sa mga tindahan, food establishments ug mga kamerkadohan nga gisugdan niadtong Marso 15, 2022.

Tumong sa maong kalihukan nga masusi ug matumbok kung kinsa ang mga tindahan, merkado o food establishments nga namaligya o naggamit ug adequately iodized salt o kadtong asin nga pasado sa standards ug espesipikasyon nga gitakda sa Bureau of Food and Drugs (BFAD).

Gamit ang WYD Iodine Checker, o wavelength spectrophotometer, mahibal-an ang iodine level sa asin gikan sa mga gikuhang sample sa mga tindahan ug uban pang palitanan. Kinahanglan nga aduna kini iodine content nga 30-70 parts per million (ppm) aron mopasa sa kinahangalang gidaghanon sa iodine nga pwedeng ibaligya ug gamitong sa publiko. Ang mga pasadong tindahan ug establisyemento pagadikitan ug sticker stamp timailhan nga pasado kini sa inspeksyon nga gimugna sa PBATF.

Ang maong kalihukan hugot nga gisuportahan sa Pangagamhanang Probinsyal ug mga miyembro sa Sangguniang Panlalawigan pinaagi sa pagmugna ug Provincial Ordinance No. 2002-002R (8th SP) AN ORDINANCE MANDATING THE USE OF IODIZED SALT IN ALL BUSINESS ESTABLISHMENT AND ENTITIES WHICH CATER AND PREPARE FOOD FOR CONSUMPTION ON COMMERCIAL SCALE IN THE PROVINCE OF BUKIDNON AND PROVIDING PENALTY FOR VIOLATIONS THEREOF-

Mahinumduman nga ang Republic Act (RA) 8172 o ang ASIN (Act for Salt Iodization Nationwide) Law giaprobahan kaniadto ni President Fidel V. Ramos sa tuig 1995, sa tumong nga mapalambo ang paggamit sa iodized salt ug mapakunhod ang micronutrient malnutrition sa nasud, ilabi na ang iodine deficiency disorders.

Sa pagkakaron pipila na ka mga munisipyo ang gibisitahan sa PBATF, pinaagi sa surprise inspection sama sa mga tindahan ug mga groceries stores sa lungsod sa Quezon, Damulog, Kitaotao, Dangcagan, Lantapan, Kibawe, Don Carlos, Sumilao, Impasug-ong, Libona, Impasug-ong ug Maramag.

###