Press Release No. 69 / April 5, 2022

GIPAHIBALO sa Provincial Government of Bukidnon (PGB), pinaagi ni Dr. Carmen C. Tangara, ang Provincial Zoo Curator nga sirado ang Bukidnon Provincial Zoological Park ug Children’s Playground sa umaabot Abril 15, 2022 isip pagbalaan sa Biyernes Santo, ingon man usab sa Abril 25-26, 2022 (adlaw’ng Lunes ug Martes) tungod sa ipahigayon nga Safety Summit 2022, lakip ang matag adlaw’ng Lunes nga mao ang tingpahulay sa mga hayop ug pag-disinfect sa lugar.

Gawas sa nanganlang mga petsa, bukas ang Bukidnon Provincial Zoological Park ug Children’s Play Ground gikan sa alas 9:00 hangtud alas 11:30 sa buntag ug alas 2:00 hangtud alas 4:30 sa hapon.

Padayon usab nga gipahimangnuan ang tanang nagplano nga mobisita sa Bukidnon Provincial Zoological Park and Playground nga mosunod gayod sa gipatuman nga mga direktiba sa probinsya, sama sa pagdala sa ilang vaccination card o negative RTPCR test kon dili pa bakunado, valid ID, ug ang mga kabataan kinahanglan ubanan sa ilang ginikanan/guardian nga bakunado ug mosunod sa minimum public health protocols sama sa kanunay nga pagsuot sa facemask, pag-alcohol ug pag mentinar sa 1-meter social distancing.

###