Press Release No. 70 / April 5, 2022

NAHIMONG mabulokon ang napulo ka adlaw nga Kaamulan 2022 Culture and Arts Exhibit featuring Madagaya Trade Fair sa Provincial Government of Bukidnon (PGB), pinaagi sa PGO-Provincial Tourism Division sa pakigtimbayayong sa Department of Trade & Industry (DTI)- Bukidnon, sugod niadtong Marso 25 hangtud Abril 3, 2022 sa Robinson’s Place, Valencia City, Bukidnon.

Nahimong kahigayunan kini nga mapasundayag ug maila ang mga mga dekalidad nga lokal nga produkto sa Bukidnon nga mao ang nahimong mga display sa misalmot nga mga Local Government Units, nga ginama sa mga Micro, Small, and Medium Enterprises (MSMEs) sulod sa Bukidnon, sama sa coffee-based products, pineapple-based products, cacao-based products, wearable, homestyle & crafts ug daghan pang uban.

Nakuha sa syudad sa Malaybalay ang special award alang sa Best-Selling Booth, samtang nakuha usab sa syudad sa Valencia ang Best Dressed Booth nga midawat sa usa ka plaque ug certificate gikan sa DTI ug PGB.

Gisalmotan kini sa trese (14) ka mga Local Government Units nga mao ang mga mosunod: syudad sa Malaybalay ug Valencia, mga lungsod sa Impasug-ong, Maramag, Cabanglasan, Kadingilan, Quezon, Talakag, Libona, Don Carlos, Kibawe, Pangantucan, Manolo Fortich ug San Fernando, nga mihimo usab ug pasundayag sa nagkadaiyang sayaw nga giumol sa pitu (7) ka tribu sa probinsya.

###