Press Release No. 74 / April 7, 2022

MIAPILA ang miyembro sa 26th Sangguniang Panlalawigan ngadto sa Sugar Regulatory Administration (SRA) batok sa gipabalang nga Sugar Order No. 3 (SO3), pinetsahan Pebrero 3, 2022, nga nagtugot sa importasyon sa 200,000 metric tons nga asukar.

Gipanghingusgan kini ni 2nd district board member Atty. Nemesio B. Beltran, Jr., tungod kay lakip ang lalawigan sa Bukidnon nga maapektuhan niining maong importasyon, sanglit ang Bukidnon aduna may 11,395 ka mga mag-uuma sa tubo gikan sa 13 ka mga lungsod ug syudad sa Malaybalay ubos sa Bukidnon Sugar Milling District. Gani, ang lalawigan naglangkob sa 72% nga sugarcane area ug 75% nga sugar production sa tibuok Mindanao.

Gipanghingusgan kini ni 2nd district board member Atty. Nemesio B. Beltran, Jr., tungod kay lakip ang lalawigan sa Bukidnon nga maapektuhan niining maong importasyon, sanglit ang Bukidnon aduna may 11,395 ka mga mag-uuma sa tubo gikan sa 13 ka mga lungsod ug syudad sa Malaybalay ubos sa Bukidnon Sugar Milling District. Gani, ang lalawigan naglangkob sa 72% nga sugarcane area ug 75% nga sugar production sa tibuok Mindanao.

Ang maong SO3 gipagawas aron mapalig-on ug mabalansi ang local market price sa asukar human mimahal ang presyo niini tungod sa kadaot nga gibilin sa bagyong Odette dinha sa mga katubhan, ilabi na sa Negros Occidental. Sukwahi kini sa nakita sa 26th SP tungod kay ang industriya sa asukal anaa na sa tukmang panahon sa milling season, busa ang nasangpit nga importasyon siguradong dakong palas-onon alang sa mga small sugar producers, small farm cultivators, small planters ug sugar field workers sa sunod tuig nga tingtanum ug tubo tungod sa taas nga production cost ug lower productivity.

Mahinumduman nga nagpagawas ug 20-days temporary restraining order (TRO) ang duha ka Regional Trial Court sa Negros Occidental batok sa maong order aron maprotektahan ang ilang sugar industry, ilabi na nga sila ang nag-unang probinsya nga ga-supply ug asukar ug gamugna sa 60% nga produksyon niini sa tibuok nasud.

###