Press Release No. 75 / April 7, 2022

Ang tubag ni Ms. Cruz nga naghatud kaniya sa kadaugan gikan sa pangutana nga taliwala sa mga hagit sa modernisasyon ug globalisasyon, unsa may atong mahimo aron mapalig-on ang atong pagtahod ug pag-ila sa kultura sa atong mga lumad nga komunidad sa Bukidnon? Tubag sa na-koronahang dalaga, dili matud pa mamahimong makapa-ambit kung wala kini kanimo. Busa, isip usa ka Laga Ta Bukidnon, gipadayag ni Ms Cruz nga kinahanglang ilambigit niya ang iyang kaugalingon aron makakat-on pa ug makasinati sa kultura sa Bukidnon. Sa iyang kasinatian sa dihang nakauban niini ang tribung Talaandig, gidayeg sa dalaga ang kultura sa tribu ug sa maong paagi, ma-apply matud pa niya kini sa iyang kaugalingon ug pinaagi sa pag-apply ug pagkat-on gikan niini, mapaambit niya kini ug masangyaw sa kalibutan. Ug isip usa ka magtutudlo, mapaambit usab niini ang iyang kahibalo kabahin sa kultura ngadto sa mga manununod sa Bukidnon. Ug sa kasamtangang modernong panahon, uban sa teknolohiya ug platform nga sarang gigamit sa kasamtangan, kini ang mamahimong himan o magamit niya sa pagsabwag sa kasayuran sa Bukidnon ngadto sa kalibutan, pagdapit sa mga influencer aron isulti sa mga tawo kung unsa ka matahum ang Bukidnon, unsa ka matahum ang kulturang Bukidnon, diin ang atong kultura gipreserba ug kini usa ka world class.

Kini ang kinatibuk-ang tubag ni Ms Laga Ta Bukidnon 2022 nga gihubad sa atong pinulongan, nga mao usab ang gipangutana sa laing upat ka mga kandidata nga nakasulod sa Top 5 nga sila 4th runner up Ms. Carla Mia B. Casinabe sa Kibawe; 3rd runner up Mary Shelley S. Biador sa Lantapan; 2nd runner up Ms. Ailyn L. Singuil sa Baungon; ug 1st runner up Ms. Kristine Jane A. Sarcalejo sa Kalilangan.

Kini ang kinatibuk-ang tubag ni Ms Laga Ta Bukidnon 2022 nga gihubad sa atong pinulongan, nga mao usab ang gipangutana sa laing upat ka mga kandidata nga nakasulod sa Top 5 nga sila 4th runner up Ms. Carla Mia B. Casinabe sa Kibawe; 3rd runner up Mary Shelley S. Biador sa Lantapan; 2nd runner up Ms. Ailyn L. Singuil sa Baungon; ug 1st runner up Ms. Kristine Jane A. Sarcalejo sa Kalilangan.

Ang kalantip sa salabutan ug pagka-maanyag sa mga dalaga nga nahimong kabahin sa Laga Ta Bukidnon 2022, nagpakita sa kung unsa ang panagway sa Bukidnon busa gikalipay pag-ayo ni Provincial Legal ug OIC provincial administrator Atty. Paul Vincent Villegas, kinsa mao ang nagre-representa sa Local Chief Executive sa Bukidnon kagabii sa Coronation Night nga nasaksihan sa kadaghan pinaagi sa virtual Facebook Livestreaming pinaagi sa LGU-Bukidnon Facebook page.

###