Press Release No. 77 / April 8, 2022

IPAHIGAYON na ang Kaamulan Bonsai Show and Workshop, diha sa Kaamulan Open Theater, Kaamulan Park, Malaybalay City, Bukidnon, sugod ugmang adlawa, Abril 8-10, 2022.

Makita ug mapasundayag dinhi ang nagkadaiyang bonsai plants nga gama sa mga Bonsai Artist ug Bonsai Owners gikan sa nagkalain-laing lungsod ug syudad sulod sa Mindanao.

Gi-awhag ang si kinsa mang interesadong mosalmot sa maong indigay nga pwede pa kamong magparehistro hangtud sa adlaw’ng Sabado (Abril 9, 2022) sa alas 9:00 sa buntag ug magdala lamang sa inyong entry nga bonsai plant ug P300 nga registration fee matag entry.

Sa Domingo (Abril 10, 2022) aduna usab silay libreng workshop nga bukas alang sa tanan. Magdala lamang ug mga materyales ug tanom nga pwedeng e-bonsai sama sa bombels, balite, bluebell, tugas ug uban pa (preferably kadtong gagmay ug dahon).

Alang sa dugang kasayuran ug impormasyon, palihog kontaka si Mr. Darwin S. Genabe, ang Presidente sa Kaamulan Bonsai Aficionados sa numero: 0917-820-9546.

Welcome ang tanan nga mobisita sa atong Kaamulan Open Theater aron mosaksi sa maanindot nga bonsai plants.

###