Press Release No. 85 / April 19, 2022
MOTAMBONG sa pagahimoong Road Show sa ahensya sa Commission on Elections (COMELEC) – Bukidnon Provincial Election Supervisor ang mga department ug division heads sa Provincial Government of Bukidnon nga nagtumong nga masabwag ang hinanali nga pagpakaylap sa impormasyon kalabot sa eleksyon, ingon man sa paggiya ug pag-edukar sa mga botante sa Probinsya sa Bukidnon kabahin sa automated elections, gamit and Vote Counting Machines (VCM), ugmang adlawa-Abril 20, 2022 sa Kaamulan Open Theater, Kaamulan Park, Malaybalay City, Bukidnon.

Pinasikad sa Memorandum Order No. 160, series of 2022 ni Atty. Paul Vincent G. Villegas, ang OIC Provincial Administrator/Provincial Legal Officer pinitsahan Abril 13, 2022, nakig-alayon sa tinguha sa COMELEC ang Kagamhanang Probinsyal, ilabi na sa paghatag ug giya sa mga wala pa makasinati sa paggamit sa VCM.

Lakip sa motambong sa maong kalihukan ang mga magtutungha sa nagkalain-laing colleges and universities sa dakbayan sa Malaybalay, diin kadaghanan kanila mga first time voters sa umaabot nga May 9, 2022 National ug Local Elections.

Gipanghinaut nga pinaagi sa pagahimoong demonstration ug kasinatian sa makina sa pag-ihap sa boto, partikular sa kung unsaon sa paggamit ang VCM, mamahimo kining instrumento nga ma-familiar sa mga botante ang himan nga gamiton sa pag-record ug pag-transmit sa mga boto sa maong eleksyon.

###