Press Release No. 87 / April 20, 2022

GILANTAW sa buhatan sa Provincial Indigenous Peoples’ Mandatory Representative (IPMR) nga usa sa mga pamaagi nga mas mapahugtan ang panaghiusa sa pitu (7) ka tribu sa Bukidnon ang gipahigayon nga Soil Painting, Tribal Instrument Making & Playing diha sa Centennial Stage, Kaamulan Park, Malaybalay City, kagahapon-Abril 19, 2022.

GILANTAW sa buhatan sa Provincial Indigenous Peoples’ Mandatory Representative (IPMR) nga usa sa mga pamaagi nga mas mapahugtan ang panaghiusa sa pitu (7) ka tribu sa Bukidnon ang gipahigayon nga Soil Painting, Tribal Instrument Making & Playing diha sa Centennial Stage, Kaamulan Park, Malaybalay City, kagahapon-Abril 19, 2022.

Pagpasabot ni Bae Melinda Saway, kinsa nagrepresenta kang Provincial IPMR Datu Richard D. Macas nga pinaagi sa paghasa sa talento sa pag-drawing ug pagpatingog sa mga lumadnong instrumento sa musika, nakamugna kini ug koneksyon sa matag tribu. Gihingusgan nga dili lamang kini basta usa ka dekorasyon, apan dako kini ug kahulogan sa paghulagway sa kinabuhi, kaagi o kultura sa usa ka tribu.

Gidayeg ang talagsaong kadasig sa tribung Bukidnon, ang Daraghuyan Artists, nga magpaambit sa ilang talagsaong kahanas ug kahibalo sa pag-debuho ingon man sa tribung Bukidnon nga mihatag sa mga technique sa pagtugtog sa mga tribal musical instruments, gamit ang kawayan ngadto sa ubang tribu aron sila makakat-on ug mapalambo ang ilang mga hilig, diin ang mga materyales nga gamit niini barato lang ug makita sa palibot sama sa yuta, glue ug tubig.

###