Press Release No. 90 / April 21, 2022

“I would say to the investors who are not yet in Bukidnon, don’t be too late in coming to Bukidnon. Be in that bandwagon that’s called Bukidnon. Take your chance in Bukidnon. Grab the opportunities and make it big in Bukidnon”, kini ang tipik sa pamahayag ni Ms. Lourdes Ellen N. Kionisala, Chief Investment Specialist sa Board of Investment (BOI)-Cagayan de Oro kinsa usa sa mga dinapit nga mamumulong sa gipahigayon nga Capability Building Training, niadtong Abril 19-20, 2022 sa Veranda Suites, Casisang, Malaybalay City, Bukidnon.

Gidayeg ni Ms. Kionisala ang maayong pagdumala ug pagdasig sa Kagamhanang Probinsyal sa Bukidnon ngadto sa mga Local Government Units niini sa natad sa patigayon, ingon man ang pagpakita niini ug interes nga ipalambo ang kahanas sa mga Local Economic Development and Investment Promotion Officers (LEDIPO) aron makadani pa ug dugang investors.

Pasabot sa nanganlang mamumulong nga nakita niya ang Bukidnon nga adunay abunda nga kahinguhaan sama sa hydropower projects, pineapple ug banana plantations, daghang feed mills, poultry farms, cattle farms ug halapad nga kamaisan, hinungdan nga daghang investors ang madani tungod sa mga oportunidad dinhi ug ingon man ang hugot nga pagsuporta sa nagkadaiyang Local Government Units.

Tumong sa maong pagbansay nga makahatag ug dugang giya ngadto sa mga LEDIPO ug mapalawom pa ang ilang pagsabot ug kahibalo alang sa pagdani ug dugang investors o tigpamuhunan sulod sa probinsya.

###