Press Release No. 95 / April 26, 2022

TUMONG sa gipahigayon nga Lageng Ha Dagwat Hu Tribu o Ethno Cultural Festival ang paghatag ug higayon sa mga local bands, sama sa Talahari, Kulabu ug Ayani Band nga maila ug makatugtog sa entablado panahon sa kasaulogan sa Kaamulan.

Mahinumduman nga sunod-sunod nga mga higayon nga mitugtog sila diha sa Yaka Restobar, Malaybalay City, duyog sa ilang mga original song compositions ug uban pang Bukidnon songs gamit ang pipila ka mga Tribal instruments, sama sa tambol, pulala, kuglong, bantula ug agong.

Mapasalamaton si Mr. Christopher Beltran, ang Committee Chair sa Ethno Cultural Festival sa kanunay nga pagsuporta sa Pangagamhanang Probinsyal aron e-promote ang lokal nga mga banda ilabi na ang tribal bands. Gipanghinaot nga makamugna ug usa ka album ang tribal ug local bands sa Bukidnon aron mas hingpit pa silang maila sa kadaghanan.

Sa pakighinabi ngadto kang Ms. Eneria S. Pandian, usa sa mga volcalist sa Talahari Band, nga giisip kini niya nga usa ka prebilihiyo ug nadasig nga magmugna pa ug daghang awit aron mapadungog sa katawhan.

Nahimong mas sadya pa ang sunod-sunod nga patugtog sa tulo ka mga banda niadtong Abril 23, 2022 sa gabie, kung aha aduna usab gidalit nga fire dancing performance gikan sa Kulabu Tribu Fire Dancers.

###