Press Release No. 97 / April 29, 2022

Sentro sa ipahigayon nga promotional video contest sa PGO-Persons with Disability Affairs Division (PDAD) ang pagpalawom ug pagpasabot sa Local Magna Carta for Persons with Disabilities sa probinsya sa Bukidnon, pinasikad sa Ordinance No. 2021-058R (26th SP) nga giduso ni 3rd District Board Member Minerva C. Casinabe.

Mahinumduman nga hingpit gi-aprobahan ni Governor Zubiri ang maong lokal nga balaod niadtong Hunyo 22, 2021 busa aron nga mapasayon ang pagpasabot sa maong Ordinansa, gilusad sa PGO-PDAD ang promotional video contest.

Bukas ang maong indigay sa publiko gawas lamang sa tanang empleyado sa Pangagamhanang Probinsyal sa Bukidnon. Ang registration mahitabo karong Mayo 2, 2022 ug sa Hunyo 3, 2022 ang deadline sa submission of entries, kung aha usa ka entry lamang ang piliong mananaog nga modawat sa 30-mil ka pesos.

Gipahimangnuan ang si kinsa mang interesado sa pagsamot niini nga indigay mamahimo lamang mo bisita sa Facebook account sa PGO-PDAD nga mao ang Pdao Bukidnon alang sa dugang impormasyon kabahon sa pamaagi, criteria ug mechanics.

###