Press Release No. 98 / May 6, 2022

MAPASALAMATON ang Local Government Unit (LGU) sa Damulog alang sa pagatakuron nga 50 ka mga housing units diha sa Paglaum Village II, Poblacion, Damulog, Bukidnon gikan sa Provincial Government of Bukidnon (PGB). Kini ang gipaabot ni Municipal Mayor Melino Buro sa gipahigayon nga Ground Breaking Ceremony niadtong Mayo 2, 2022.

Sa data gikan sa PGO-Real Estate & Housing Development Division (REHDD), mokabat ngadto sa ₱16,500,000.00 ang kinatibuk-ang pundo nga gigahin sa probinsya alang sa katukuran niini para sa pamilyang homeless/landless nga apektado sa kalamidad, road widening ug kadtong pamilyang angayan nga tabangan. Ang matag housing unit mokabat ngadto sa ₱330,000.00 nga adunay average lot size nga 100 square meter ug average floor area nga 30 square meters.

Mokabat ngadto sa 15, 863 square meter ang kinatibuk-ang land area nga gi-donate sa LGU-Damulog aron pagatukuran sa maong proyekto nga gihingusgan pinaagi sa usa ka Memorandum of Agreement (MAO) tali sa PGB ug LGU-Damulog.

Personal usab nga mitambong si Governor Jose Ma. R. Zubiri, Jr. sa maong seremonya, kinsa mipaabot sa iyang dakong kalipay nga mahatagan na gayud ug katumanan ang pangandoy sa katawhan sa Damulog. Gani, usa ka pag-ampo ang iyang gipangulohan isip pagpasalamt sa labaw’ng Makakaaghom sa kanunay nga pagpanalangin ug nanghinaot nga kanunay gabayan ang katawhan sa Bukidnon.

###