GIPASALAMATAN ni Provincial Governor Rogelio Neil P. Roque ang tulo ka mga opisina sa Provincial Government of Bukidnon (PGB), nga mao ang Provincial Legal Office, Provincial Internal Audit Services Office (PIASO) ug ang Provincial Information and Communications Technology Division (PICTD), kinsa mao ang nahimong sponsoring offices sa ika-duhang Monthly Convocation Program ning tuig, Pebrero 3, 2025, Kaamulan Open Theater, Kaamulan Park, Malaybalay City, Bukidnon.

Sa gihikyad nga accomplishment report ni provincial legal officer Atty. Gean Yvish R. Ladesma, ang ilang buhatan malampusong naghatag sa dekalidad ug libre nga serbisyong legal alang sa PGB, LGUs ug sa publiko. Sa tuig 2024, ang PLO nakabisita sa 66 ka mga tunghaan alang sa implementasyon sa Governor’s Legal Aid Program (GLAP); 15 ka mga barangays nga Capacity Development (CapDev) areas ang nabisitahan alang sa Hatud Serbisyo Caravan; nakahatag sa libreng legal consultation ug notaryo, nahimong kabahin sa pagka-abroba sa concreting of Iba-Cabulohan-Paradise farm to market road sa LGU Cabanglasan, ug daghan pang uban.

Ang PIASO, isip usa sa mga pioneering sa napulo ka mga probinsya sa Visayas ug Mindanao, padayon nga nagsunod sa mandato niini nga ipatunhay ang organizational governance, pinaagi sa pagpahigayon sa unom ka nagkalain-laing audit engagements nga mao ang compliance audit, operations audit, management audit, baseline assessment of internal control system, cash audit ug risk assessment.

Gipakisayod usab sa PICTD, nga ang Bukidnon ang pinaka-unang LGU sa Northern Mindanao nga naggamit sa Hyper-converged infrastructure (HCI) alang sa modernization of data center, diin mas epektibo, sayon e-manage, ug naay mga features para sa disaster recovery ug redundancy aron maprotektahan ang mga data.

Sa kinatibuk-an, gipasalamat ni Governor Roque ang tanang empleyado sa dedikasyon ug tiunay nga pagpanerbisyo ug nanghinaot sa padayon nga panaghiusa alang sa kalambuan sa probinsya.

PRESS RELEASE

Number 1 s. 2025

PGO Public Affairs, Information and Assistance Division

Office Contact No.: (0917) 816 3191

February 3, 2025

#BukidnonMyHome #Lgubukidnon #Bukidnon