𝐏𝐄𝐎, 𝐏𝐆𝐎-𝐑𝐄𝐇𝐃𝐃, 𝐏𝐆𝐎-𝐏𝐏𝐌𝐈𝐓 𝐍𝐀𝐆𝐀𝐓𝐔𝐊𝐎𝐃 𝐒𝐀 𝐊𝐀𝐔𝐆𝐌𝐀𝐎𝐍 𝐒𝐀 𝐁𝐔𝐊𝐈𝐃𝐍𝐎𝐍
“𝘛𝘰𝘥𝘢𝘺, 𝘸𝘦’𝘷𝘦 𝘩𝘦𝘢𝘳𝘥 𝘵𝘩𝘦 𝘳𝘦𝘱𝘰𝘳𝘵𝘴 𝘧𝘳𝘰𝘮 𝘴𝘰𝘮𝘦 𝘰𝘧 𝘵𝘩𝘦 𝘧𝘪𝘯𝘦𝘴𝘵 𝘮𝘪𝘯𝘥𝘴 𝘪𝘯 𝘵𝘩𝘦 𝘱𝘳𝘰𝘷𝘪𝘯𝘤𝘦 𝘧𝘳𝘰𝘮 𝘵𝘩𝘦 𝘗𝘌𝘖, 𝘗𝘎𝘖-𝘙𝘌𝘏𝘋𝘋, 𝘢𝘯𝘥 𝘗𝘎𝘖-𝘗𝘗𝘔𝘐𝘛. 𝘠𝘰𝘶 𝘬𝘯𝘰𝘸, 𝘵𝘩𝘦 𝘰𝘯𝘦𝘴 𝘸𝘩𝘰 𝘮𝘢𝘬𝘦 𝘴𝘶𝘳𝘦 𝘰𝘶𝘳 𝘳𝘰𝘢𝘥𝘴 𝘥𝘰𝘯’𝘵 𝘭𝘦𝘢𝘥 𝘵𝘰 𝘯𝘰𝘸𝘩𝘦𝘳𝘦, 𝘰𝘶𝘳 𝘴𝘩𝘦𝘭𝘵𝘦𝘳𝘴 𝘩𝘢𝘷𝘦 𝘢𝘤𝘵𝘶𝘢𝘭 𝘳𝘰𝘰𝘧𝘴, 𝘢𝘯𝘥 𝘰𝘶𝘳 𝘱𝘭𝘢𝘯𝘴 𝘥𝘰𝘯’𝘵 𝘴𝘵𝘢𝘺 𝘰𝘯 𝘱𝘢𝘱𝘦𝘳 𝘧𝘰𝘳𝘦𝘷𝘦𝘳. 𝘛𝘩𝘦𝘴𝘦 𝘵𝘩𝘳𝘦𝘦 𝘢𝘳𝘦 𝘭𝘪𝘵𝘦𝘳𝘢𝘭𝘭𝘺 𝘣𝘶𝘪𝘭𝘥𝘪𝘯𝘨 𝘵𝘩𝘦 𝘧𝘶𝘵𝘶𝘳𝘦 𝘰𝘧 𝘉𝘶𝘬𝘪𝘥𝘯𝘰𝘯—𝘰𝘯𝘦 𝘸𝘦𝘭𝘭-𝘱𝘢𝘷𝘦𝘥 𝘳𝘰𝘢𝘥 𝘢𝘯𝘥 𝘴𝘰𝘭𝘪𝘥 𝘧𝘰𝘶𝘯𝘥𝘢𝘵𝘪𝘰𝘯 𝘢𝘵 𝘢 𝘵𝘪𝘮𝘦!"
Giila ni Provincial Governor Rogelio Neil P. Oneil Roque ang kontribusyon sa matag kawani sa Provincial Engineer’s Office (PEO), PGO-Real Estate Housing and Development Division (REHDD), ug PGO-Provincial Project Monitoring and Inspectorate Team (PPMIT), nga tigpatuman ug tigpabarug sa panglantaw para sa kaayuhan ug kalambuan sa probinsya sa Bukidnon, atol sa gipahigayong Monday Convocation Program, Oktobre 7, 2024, Kaamulan Open Theater, Kaamulan Park, Malaybalay City, Bukidnon.
Ang mosunod mao ang kalampusan sa PEO: sa Local Roads sa tuig 2023-2024, mitala sa 18 concreting projects ang nahimo nga gipondohan ug sobra ₱762-M, kung aha 10 ang completed ug 8 ang on-going; Improvement of Local Roads/Core Roads – kinatibuk-ang 39 projects ang gimugna, ₱375-M ang budget allocation alang sa 10 nga on-going projects; Maintenance of Provincial Roads – 118 provincial road sections nga gi-alokaran sa ₱90.15-M para sa gitas-ong 851.749 kms; PRDP 2024 nga andam na alang sa implementasyon - ₱319-M funding amount alang sa pagsemento sa Iba-Cabulohan-Paradise FMR alang sa 10.863 kms; LDRRM 2023-2024 – 29 projects nga adunay budget allocation nga dul-an ₱162-M; Infrastructure Projects undertaken/implemented by PEO Admin – 183 projects nga gipondohan ug sobra ₱47-M; Construction/Rehabilitation/Repair Hospital Buildings – 40 projects nga gipondohan ug sobra ₱93-M; samtang miihap sa 56 ka School Building Projects sa tuig 2023-2024 ang napabarug sa pondo nga sobra ₱195-M gikan sa Special Education Fund. Samtang sa Buildings and Other Infrastructure – 15 ka barangay projects nga gipondohan ug sobra ₱17-M; 33 ka Construction and Rehabilitation of municipal and barangay infra projects nga gitagan-an ug pondo sobra ₱167-M. Sa Other Infrastructure Projects – 46 projects ang gipondohan sa dul-an ₱208-M. Sa Water Supply System Projects – kinatibuk-ang 40 ka proyekto ang gipondohan sa sobra ₱89-M.
Samtang sa PGO-REHDD, niadtong Hunyo 2024, gitunol ang 50 ka housing units ngadto sa informal settlers sa Damulog Paglaum Village, ug 67 ka housing units usab ang natunol sa indigent families nga nag-okupa sa Don Carlos Paglaum Village, samtang gilaumang matunol na usab ang 50 housing units sa Talakag Paglaum Village. Padayon usab ang katukoran sa 50 houses para sa Kadingilan Paglaum Village, ug nakatakdang pagatukoron ang Paglaum Villages alang sa Manolo Fortich – 80 units, Maramag – 100 units, ug Sumilao – 50 units. Sa tahas nga magtagana ug desinteng pinuy-anan sa mga underprivileged, homeless ug landless families sa Bukidnon, naka-kolekta ug sobra ₱8-M alang sa tuig 2024 gikan sa mga programang pa-bahay sa probinsya. Sa solundon nga pagpasiugda sa mga programa ug proyekto sa REHDD, 31 ka mga lokal nga kagamhanan sa mga silingang probinsya, munisipyo ug syudad ang mibisita aron lantawon ang implementasyon niini.
Sa nanganlang mga kalampusan sa PEO ug PGO-REHDD, gipaubos kini sa subsob nga pagsusi sa PGO-PPMIT aron masubay ang progreso sa nagkadaiyang mga proyekto, diha sa pagsiguro sa kalidad nga mo-haom sa quality standard.
Sa implementasyon sa mga proyekto nga nagtumbok sa 5-point agenda sa kasamtangang administrasyon, madasigon si Governor Roque, uban sa tibuok PGB nga magpadayon sa pagtinabangay uban sa integridad, pagsiguro padulong sa hiniusang tumong, diha sa makanunayong paningkamot sa pagserbisyo sa katawhan sa Bukidnon.
PRESS RELEASE
Number 38 s. 2024
PGO-Public Affairs, Information & Assistance Division
Office Contact No.: (0917) 816 3191
October 7, 2024